Noticias

O Grupo de Acción Costeira Golfo Ártabro en colaboración con A.C.M. Os Patexeiros, de Sada, e o C.N. Punta Bufadoiro de Mera organizan estas xornadas que se desenvolverán durante os sábados 12 e 26 de marzo e 2 e 9 de abril na Casa Labarta de Mera e o Peirao de Lorbé.

O obxectivo destas xornadas será presentar o traballo das asociacións na recuperación e posta en valor do Patrimonio Marítimo e Fluvial, establecer redes entre os axentes sociais implicados neste sector para o desenvolvemento sustentable e mostrar o potencial existente a nivel económico a través da recuperación e valorización do Patrimonio Cultural Marítimo material e inmaterial.

As xornadas están orientadas a todos os públicos interesados no tema. O aforamento é limitado a un grupo de 25 persoas para as actividades que terán lugar no peirao de Lorbé os sábados 26 de marzo e 2 de abril. A inscrición é gratuíta e realizarase segundo estrita orde de chegada, cunha cota reservada para cada asociación.

Programa das Xornadas

Máis información

Inscrición:

ACM Os Patexeiros

C.N. Punta Bufadoiro

Secretaría Técnica das Xornadas