Noticias

O proxecto DORNA, a través do seu socio escocés GalGael, repetirá por segundo ano consecutivo a súa presenza no Portsoy Traditional Boat Festival de Escocia que se celebra os días 26 e 27 de xuño. O festival  pretende congregar a xente de todas as idades e mozos en particular para dar a coñecer e pór en valor a técnica tradicional na construción de embarcacións. Gehan Macleod, coordinadora do proxecto, destacou que este evento permitirá aos socios de DORNA explorar a colaboración entre os carpinteiros navais tradicionais para a apertura de novos mercados.

Coa intención de atraer miles de visitantes, Portsoy Traditional Boat Festival de Escocia puxose en marcha en 1993 e ensalza os valores do patrimonio e a autenticidade.

Embarcacións tradicionais de todas partes reuniranse no porto histórico de Portsoy, situado na esquina noreste de Escocia, entre Inverness e Aberdeen. O festival pon especial énfase na construción de barcos, a restauración e a navegación, así como nas artesanías tradicionais asociadas incluíndo xéneros de punto, tecido e bordado e a música e a arte. O programa 2010 inclúe tamén unha ampla Feira Gastronómica na que se poderá degustar a mellor comida e bebida de Escocia.

Máis información en http://www.scottishtraditionalboatfestival.org.uk/